|
Twee van die belangrikste beginsels in besluitneming.
Ons glo dat die HG ons sal lei in besluite. Dit is goed. Die vraag is net hoe of op watter wyse sal Hy ons lei? 1. Die Heilige Gees werk deur ons verstand. Dit is "God wat in julle werk om te wil en te werk na Sy welbehae." (Fil 2:13) Dit is dus waar dat die Here ons 'n verstand gegee het om verstandige en beredeneerde besluite te neem. Daarom die oproep om volwasse in die verstand te wees. "Broeders, moenie kinders wees in die verstand nie, maar wees kinders in die boosheid en wees volwassenes in die verstand." (1Cor14:20) God moet ook met ons logika gedien word. "En hy antwoord en sê: Jy moet die Here jou God liefhê uit jou hele hart en uit jou hele siel en uit jou hele krag en uit jou hele verstand." (Luk 10:27)Jesus verwyt dikwels dat mense besig is om te dwaal en afvallig te word omdat hulle nie hul verstand gebruik en die logika van 'n saak insien nie. "En Hy sê vir hulle: "Is julle ook so sonder verstand? Begryp julle nie dat alles wat van buite af in die mens ingaan, hom nie onrein kan maak nie." (Mar 7:18) Onlogiese en onverstandige benadering en besluitneming word gekoppel aan dwase: "...... nuttelose stryery van mense wat verdorwe in hulle verstand en van die waarheid beroof is en dink dat die godsaligheid winsgewend is. Onttrek jou aan sulke mense." (1Tim 6:5) Die eerste Bybelse beginsel in besluitneming is dus dat ons nie onverstandige besluite sal neem nie! Bereken die koste voordat jy begin bou om te sien of jy die projek sal kan voltooi! (Luk 14:28) Byvoorbeeld, om 'n baie duur motor te koop waarvan jy nie die paaiemente kan bekostig nie, ipv. 'n goedkoper een, is 'n dwase besluit.2. Leiding deur die Woord. Die tweede belangrike vraag is: Hoe praat die HGees met my? Is dit net met 'n vrede, 'n gevoel oor 'n saak? Of speel die Woord vandag nog 'n rol - nie net as 'n historiese boek van beginsels nie maar as 'n vars ter sake sprekende woord wat leiding gee in spesifieke alledaagse sake. Gaan die Woord vandag nog leiding gee in alledaagse lewens besluite? Om prakties te wees, kan die Here deur 'n bybelgedeelte vir my lei in 'n belangrike besluit soos bv. om 'n huis te koop? Ons het gesien dat Jesus belowe het dat Sy Woord algemene beginsels gee vir elke besluit: "..... die Trooster..........Hy sal julle alles leer en sal julle herinner aan alles wat Ek vir julle gesê het. " (Joh 14:26). Ons moet ons Bybels ken.Hy verseker ons dat die Heilige Gees ons sal lei met leiding wat sy oorsprong by God het. "Maar wanneer Hy gekom het.............. Hy julle in die hele waarheid lei; want Hy sal nie uit Homself spreek nie, maar alles wat Hy hoor, sal Hy spreek... " (Joh 16:13). Die Heilige gees praat nie uit Sy eie nie. Wat Hy by Sy Vader hoor, sal Hy aan ons deurgee. Jesus, die ander lid van die drie-eenheid, werk presies op dieselfde beginsel. Jesus beskryf Homself as "iemand wat julle die waarheid vertel het, wat ek van God gehoor het." (Joh 8:40). Ons behoort op dieselfde beginsel te werk, nl. dat wat ons van God hoor, behoort ons te spreek. Wat kom by ons monde uit? Is die vrese wat koerante aan ons opdis? Is dit die bangmaakstories van mense oor die toekoms? Selfs waar dit oor sake gaan waar ons die hele prentjie nie sien nie en die toekoms nie ken nie, wil die Gees dat ons die Woord sal spreek want die Gees werk deur die Woord. So sal die Gees lei: ".....en die toekomstige dinge aan julle verkondig." Al ons vrae, vrese, gedagtes, beplanning en besluitneming moet ons daarom na God neem. Vra Hom dat Hy Sy Woord lewend vir jou sal maak deur 'n spesifieke Skrifwoord leiding vir 'n spesifieke aktuele situasie te gee. "En Jesus sê vir die Jode wat in Hom geglo het: As julle in my woord bly, is julle waarlik my dissipels." (Joh 8:31).'n Man en sy vrou wil graag weet, kan hulle 'n plekkie by die see koop. Beide praat met vriende en familie. Daarna is hulle eers verward. Finansieel sou so 'n besluit aanvanklik baie druk op hulle plaas. Hulle onthou wat Jesus van die Heilige Gees gese het dat Hy nie uit Homself sal spreek nie maar "wat Hy hoor by Sy Vader, sal Hy spreek". Hulle besluit om op voorbeeld vd Heilige Gees en Jesus eers by God te hoor. Die Here ken mos die toekoms! Kom, laat ons Hom vra. Hulle besluit om daaroor te bid en op leiding te wag terwyl hulle getrou hul Bybels lees. Albei kry met hul stiltetyd dieselfde skrifgedeelte: "Hy sal sy paleistente opslaan tussen die see en die berg." (Dan 11:45) Die Here het wat hy oorspronklik aan Daniel gese het, lewend vir hulle vir hierdie tyd gemaak en daarmee duidelike leiding aan die familie gegee. Baie jare later sou daardie huisie 'n groot uitkoms vir verblyf, finansies en 'n pensioen blyk te wees.
Denzel Dick
|
|
|